बाल श्रामणेरांची दीक्षाभूमी ला भेट
जयंत साठे नागपूर प्रतिनिधी -: अकोला जिल्ह्याच्या मूर्तीजापुर मधील नागसेन नगर बुद्ध विहारातील भिक्खुनी खेमा थेरी (9545166028) यांच्या मार्गदर्शनात श्रामनेरी झालेल्या बाल श्रामनेरांनी आज दुपारी दीक्षाभूमी येथील डॉ बाबासाहेब आंबेडकर स्मारकाला भेट दिली.
यात 6 वर्षापासून तर 10 वर्षाच्या श्रामनेरी पर्यंतच्या श्रामणेरांचा सहभाग होता. शाळेला सुट्ट्या लागल्याने या सुट्टीच्या काळात बालकांनी भिक्षू जीवन व त्यांचे आचार विचार कसे असतात हे प्रत्यक्ष अनुभवण्यासाठी श्रामनेरांची दीक्षा घेतली. या बाल श्रमनेरांनी नागपुरातील बाबासाहेब आंबेडकर व बुद्ध धम्माशी संबंधित प्रेरणा स्थळांच्या भेटी देण्याचे त्यांनी निश्चित केलेले आहे.
श्रामणेरांची नावे सुद्धा बुद्ध काळातील उत्पलवरणा, विशाखा, सुजाता, कुंडलकेसा, सुकेशनी, सुप्रिया व राहुल अशाप्रकारे देण्यात आली. यावेळी बसपा नेते उत्तम शेवडे यांनी त्यांची भेट घेऊन त्यांचे अभिनंदन केले.
