वणीत “विद्यार्थी गुणगौरव सोहळा आणि करिअर मार्गदर्शन सेमिनार “
सुरेन्द्र इखारे वणी :- येथे OBC(VJ, NT, SBC) जातनिहाय जनगणना कृती समिती, वणी, मारेगाव, झरीच्या वतीने उद्या दिनांक 9 जुलै ला सकाळी 11 वाजता शेतकरी मंदिर वणी येथे सामाजिक क्रांतीचे अग्रदूत, आरक्षणाचे जनक राजर्षी शाहू महाराज आणि मंडल आयोगाचे पुरस्कर्ते व्ही.पी सिंग यांच्या जयंतीच्या निमित्ताने वर्ग 10 वी व 12 वी मध्ये प्राविण्यासह उत्तीर्ण झालेल्या विद्यार्थ्यांचा ” गुणगौरव सोहळा आणि करिअर मार्गदर्शनाचे आयोजन करण्यात आले आहे .या सेमिनारला करिअरवाला या गाजलेल्या पुस्तकाचे लेखक व Success Point चंद्रपूरचे संचालक मा. विजय मुसळे हे वर्ग 5, 8, 10 व 12 वी ते उच्च शिक्षणापर्यंतच्या सर्व प्रवेश, स्पर्धा व स्कॉलरशिप परीक्षा व देश-विदेशातील शिक्षणाच्या संधी आणि 10 वी, 12 वी व पदवीनंतर पुढे काय? या विषयावर मार्गदर्शन करणार आहेत. यावेळी कार्यक्रमाचे अध्यक्षस्थानी ओबीसी जातनिहाय जनगणना कृती समितीचे अध्यक्ष मा. प्रदीप बोनगिनवार हे असणार आहे . तर उद्घाटक रंगनाथ स्वामी अर्बन निधी लिमिटेड, वणी तथा वसंत जिनिंगचे संचालक मा. संजय खाडे , प्रमुख अतिथी वसंत जिनिंगचे अध्यक्ष मा.आशिष खुलसंगे, साईकृपा कन्स्ट्रक्शनचे संचालक राजाभाऊ बिलोरिया, संपर्क प्रमुख,विदर्भ प्रदेश राष्ट्रीय चर्मकार महासंघ मा. संबा वाघमारे, ओबीसी जातनिहाय जनगणना कृती समिती मारेगावचे अध्यक्ष मा. बाबाराव ढवस, ओबीसी जातनिहाय जनगणना कृती समिती झरीचे समन्वयक मा. नेताजी पारखी आणि ज्ञानदा स्पर्धा परीक्षा केंद्राचे संचालक मा. वैभव ठाकरे तसेच OBC(VJ, NT, SBC) प्रवर्गात येणाऱ्या प्रत्येक समाजातील एक प्रतिनिधी विचारपीठावर उपस्थित राहणार आहेत, तेव्हा वणी उपविभागातील सर्व विद्यार्थी, शिक्षक व पालकांनी मोठ्या संख्येने उपस्थित राहून या करिअर मार्गदर्शन सेमिनारचा लाभ घ्यावा असे आवाहन OBC(VJ, NT, SBC) जातनिहाय जनगणना कृती समिती, वणी, मारेगाव, झरीच्या वतीने करण्यात आले आहे.
