25 C
New York
Saturday, July 13, 2024

शिष्यवृत्ती योजनेकरीता मुदतवाढ

शिष्यवृत्ती योजनेकरीता मुदतवाढ
नागपूर जयंत साठे दि.२४ डिसेंबर – देशातील नामांकित संस्थांमध्ये उच्च शिक्षण घेण्यासाठी शिष्यवृत्ती योजना,अर्ज सादर करण्यास दि.४ जानेवारी २०२४ पर्यंत मुदतवाढ देण्यात आली आहे. अशी माहिती समाज कल्याण नागपूर विभागाचे उपायुक्त डॉ. सिध्दार्थ गायकवाड यांनी एका प्रसिध्दी पत्रकाद्वारे दिली आहे.
देशातील AIIMS , IIM , IIIT , NIT , IISc & IISER,Institution of National Importance & Other Colleges या शैक्षणिक संस्थांसह भारत सरकार मनुष्यबळ विकास मंत्रालय संकेतस्थळावरील मान्यता प्राप्त नामांकित संस्थांमध्ये उच्च शिक्षण घेण्यासाठी अनुसूचित जाती/नवबौद्ध घटकातील विद्यार्थ्यांनासाठी राजर्षी शाहू महाराज गुणवत्ता शिष्यवृत्ती योजना आयुक्तालय, समाज कल्याण महाराष्ट्र राज्य पुणे यांचेकडून राबविली जाते. सन २०२३-२४ या वर्षाकरिता अर्ज मागविण्यात आले होते, मात्र नामांकित शैक्षणिक संस्थांमध्ये प्रवेश प्रक्रिया अद्याप पुर्ण झालेली नसल्याने सदर योजनेसाठी अर्ज सादर करण्यास दि.४ जानेवारी २०२४ पर्यंत मुदतवाढ देण्यात आली आहे.
राज्यातील १०० अनुसूचित जातीच्या/नवबौद्ध घटकातील विद्यार्थ्यांना या योजनेचा लाभ देण्यात येतो. राज्यातील सर्व विभागातील विद्यार्थ्यांना समान संधी देण्याच्या उद्देशाने विभागीय माध्यमिक व उच्च माध्यमिक शिक्षण मंडळनिहाय १०० विद्यार्थ्यांची निवड करण्यात येते. सदर योजनेसाठी पात्र ठरलेल्या विद्यार्थ्यांस संबंधित विद्यापिठ/ संस्थेने अभ्यासक्रमासाठी ठरवून दिलेले पुर्ण शिक्षण शुल्क, नोदणी फी, जिमखाना, ग्रंथालय, संगणक इत्यादी शुल्क संबंधित विद्यापिठ/ शैक्षणिक संस्थेमार्फत विद्यार्थ्यांच्या आधार संलग्न बॅक खात्यात जमा करण्यात येते. वसतीगृह व भोजन शुल्क याचा देखील संस्था आकारणीनुसार खर्च देण्यात येणार आहे. तसेच पुस्तकांसाठी ५ हजार रुपये व इतर शैक्षणिक खर्चासाठी ५ हजार असे रुपये १० हजार दोन टप्प्यात अदा केले जाणार आहे.
सदर योजनेविषयी आधिक माहिती, जाहिरात, अर्ज व नियमावली शासनाच्या www.maharashtra.gov.in या संकेतस्थळावर प्रसिद्ध झालेली आहे. सदर संकेतस्थळावरुन विहित अर्जाचा नमुना डाऊनलोड करुन तो परिपुर्ण भरुन कागदपत्रासह दि ४.०१.२०२४ रोजी सायंकाळी ६:१५ वाजेपर्यंत मा.आयुक्त, समाज कल्याण, महाराष्ट्र राज्य, ३ चर्च पथ पुणे येथे सादर करावा. पदवी /पदव्युतर पदवी/ पदव्युतर पदविका पुर्णवेळ अभ्यासक्रसाठी या योजनेचा लाभ देय असणार आहे. महाराष्ट्र राज्यातील रहिवासी असलेल्याच विद्यार्थ्याना याचा लाभ मिळणार आहे. सदर योजनेसाठी जास्तीत जास्त विद्यार्थानी अर्ज सादर करण्याचे आवाहन मा. ओमप्रकाश बकोरीया (भाप्रसे), आयुक्त, समाज कल्याण महाराष्ट्र राज्य पुणे तसेच डॉ. सिद्धार्थ गायकवाड, प्रादेशिक उपायुक्त, समाज कल्याण विभाग नागपूर यांचेकडून करण्यात आले आहे.

Surendra Ikhare

सुरेंद्र इखारे

सुरेंद्र इखारे

संपादक
जयंत साठे

जयंत साठे

उपसंपादक

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -spot_img

Latest Articles

Recent News