वीज पडून मृत महिलेच्या कुटुंबाला तत्काळ मदत करण्याचे तहसील प्रशासनाला आमदार संजय देरकरांचे आदेश
सुरेंद्र इखारे वणी :- विधानसभा क्षेत्रातील मारेगाव तालुक्यातील मौजा केगावं येथे आज तारीख २७ रोजी सायंकाळी ५.३० वाजताच्या सुमारास वीज पडून मृत पावलेल्या श्रीमती मेघा गणपत पानघाटे वय ५५ या महीलेल्या कुटुंबाची वणी विधानसभेचे आमदार संजय देरकर यांनी भेट घेतली असता या नैसर्गिक आपत्तीत सापडलेल्या पीडित कुटुंबाला तात्काळ शासकीय मदत प्रधान करण्याचे आदेश आमदार संजय देरकर यांनी तहसील प्रशासनाला देण्यात आले आहे.
अचानक निसर्गात बदल होत ढगाळी वातावरण तयार झाले आणि विजेचा कडकडाटासह पाऊस सुरु झाला अशातच शेतकरी महिला शिवारातून घरी परत येत असतांना वीज पडली व यात मेघा पानघाटे या जागीच ठार झाल्याची दुर्दैवी घटना घडली. या घटनेतील मृतक महिलेचे शव मारेगाव ग्रामीण रुग्णालयात उत्तरीय चाचणीसाठी आणण्यात आल्याची माहिती आमदार संजय देरकर यांना मिळताच त्यांनी सरळ मारेगाव गाठले व रुग्णालयात जावून आपत्ती पीडित कुटुंबाची सात्वनपर भेट घेतली व त्यांना धीर दिला.
यावेळी उपस्थित मारेगावचे तहसीलदार निलावार यांना या कुटुंबाला तात्काळ शासकीय निधीची मदत देण्याचे आदेश आमदार संजय देरकर यांनी दिले आहे. मृत मेघा पानघाटे हिच्या पश्चात पती, एक मुलगा व एक मुलगी आहे असा आप्त परिवार असून या घटनेने संपूर्ण गावात शोककळा पसरली आहे.
वीज पडून मृत महिलेच्या कुटुंबाला तत्काळ मदत करण्याचे तहसील प्रशासनाला आमदार संजय देरकरांचे आदेश
