“मुख्यमंत्री माझी शाळा सुंदर शाळा अभियान “
स्पर्धेत तालुक्यातून पंचशील विद्यालयाचा तिसरा क्रमांक
संस्थेने केले कर्मचाऱ्यांचे व विद्यार्थ्यांचे कौतुक
सुरेंद्र इखारे वणी :- ”मुख्यमंत्री माझी शाळा, सुंदर शाळा”अभियानात वणी तालुक्यात पंचशील हायस्कूल नांदेपेरा या शाळेने तिसऱ्या क्रमांक पटकावला
महाराष्ट्र शासनाने राबविलेल्या ‘मुख्यमंत्री माझी, शाळा सुंदर शाळा’ अभियानात वणी तालुक्यातील नांदेपेरा येथील पंचशील हायस्कूल नांदेपेरा या शाळेला तृतीय क्रमांकाचे पारितोषिक मिळाले. शाळेतील भौतिक सुविधा, शैक्षणिक गुणवत्ता, अध्ययन व अध्यापन प्रक्रियेत आधुनिक तंत्रज्ञानाचा वापर, पर्यावरण संवर्धन, अंतर्गत कला व क्रीडा गुणांचा विकास, सार्वजनिक स्वच्छता व चांगले आरोग्य हे सर्व निकष पूर्ण करीत ग्रामीण भागातील या शाळेने संपादन केलेले यश उल्लेखनीय आहे.
शाळेच्या या यशात संस्थेचे अध्यक्ष श्री दिलीप ज. पेचे, सचिव उषाताई पेचे, उपाध्यक्ष श्री पुरुषोत्तम खंडाळकर ,संचालक मंडळ व सर्व विद्यार्थी, शिक्षक व शिक्षकेत्तर कर्मचारी यांचे सहकार्य मोलाचे ठरले. शैक्षणिक गुणवत्ता कायम राखत विविध उपक्रमातून विद्यार्थ्यांच्या सर्वांगीण विकासाकडे शाळेचा यशस्वी प्रवास सुरू असून तो कायम राखण्याचा निर्धार मुख्याध्यापक श्री. घनश्याम पाटील यांनी व्यक्त केला.
शाळेच्या या यशाबद्दल गटशिक्षणाधिकारी श्री. स्नेहदीप काटकर साहेब, शिक्षण विस्तार अधिकारी श्री हेडाऊ साहेब, श्री नासरे सर, केंद्रप्रमुख श्री सुरज चौधरी साहेब यांनी सर्व शिक्षक, शिक्षकेत्तर कर्मचारी व विद्यार्थ्यांचे कौतुक करून अभिनंदन केलेआहे.
