भालर येथील राष्ट्रसंत तुकडोजी महाराज विद्यालयात नशा मुक्ती अभियान अंतर्गत मार्गदर्शन शिबीर
प्रजापिता ब्रह्माकुमारी ईश्वरीय विश्व विद्यालयाच्या वणी शाखेतर्फे ‘नशा मुक्ती अभियान’ अंतर्गत विशेष मार्गदर्शन शिबिराचे आयोजन
सुरेंद्र इखारे वणी :- तालुक्यातील भालर येथील राष्ट्रसंत तुकडोजी महाराज विद्यालयात नशा मुक्ती अभियान अंतर्गत प्रजापिता ब्रह्माकुमारी ईश्वरीय विश्व विद्यालयाच्या वणी शाखेतर्फे ‘नशा मुक्ती अभियान’ अंतर्गत एका विशेष मार्गदर्शन शिबीराचे आयोजन करण्यात आले.
यावेळी व्यासपीठावर मान्यवरअध्यक्ष: श्री. मनोज वरारकर मुख्याध्यापक, तुकडोजी महाराज विद्यालय ,प्रमुख पाहुणे: श्री. रमेशजी बोबडे माननीय विस्तार अधिकारी, पंचायत समिती, वणी ,विशेष अतिथी: श्री. वसंत गोरे सेवानिवृत्त शिक्षक, नगर परिषद, वणी प्रमुख मार्गदर्शक: ब्रह्माकुमारी पुष्पा दिदी, ब्रह्माकुमारी रंजना दिदी, ब्रह्माकुमारी उषा दिदी, ब्रह्माकुमारी विमल दिदीमुख्य मार्गदर्शन आणि संदेशशिबिरात प्रमुख मार्गदर्शिका बी. के. पुष्पा दिदी आणि सहकारी दिदींनी विद्यार्थ्यांना व्यसनाधीनतेच्या दुष्परिणामांची सविस्तर माहिती दिली. आजची तरुण पिढी विविध प्रकारच्या अमली पदार्थांच्या आहारी जात असल्याबद्दल त्यांनी चिंता व्यक्त केली. केवळ शारीरिकच नव्हे, तर मानसिक आणि सामाजिक स्वास्थ्यासाठी नशा मुक्ती किती गरजेची आहे, हे त्यांनी सोप्या भाषेत पटवून दिले. विद्यार्थ्यांनी अभ्यासावर लक्ष केंद्रित करून व्यसनांपासून दूर राहण्याचा आणि निरोगी जीवन जगण्याचा संकल्प करावा, असे आवाहन त्यांनी केले.मान्यवरांचे मनोगतप्रमुख पाहुणे श्री. रमेशजी बोबडे यांनी शाळा स्तरावर अशा प्रकारच्या प्रबोधनपर कार्यक्रमांच्या आवश्यकतेवर भर दिला. अध्यक्षीय भाषणात मुख्याध्यापक श्री. मनोज वरारकर यांनी ब्रह्माकुमारी विद्यालयाच्या या उपक्रमाचे कौतुक केले व विद्यार्थ्यांनी या मार्गदर्शनाचा आपल्या जीवनात अंगीकार करावा अशी अपेक्षा व्यक्त केली.कार्यक्रमाचे नियोजन संचालन श्री. एल. बी. ढेंगळे यांनी केले, तर उपस्थितांचे आभार श्री. ए. पी. वरपटकर सर यांनी मानले. या प्रसंगी शाळेतील सर्व विद्यार्थी, शिक्षक आणि शिक्षकेतर कर्मचारी मोठ्या संख्येने उपस्थित होते. हा कार्यक्रम विद्यार्थ्यांमध्ये जनजागृती निर्माण करण्यात अत्यंत यशस्वी ठरला.
